අර්ජුන කමලනාත් ගේ “කුසල්” ළමා චිත්‍රපටය

0
102
Arjuna Kamalnaath Kusal

අර්ජුන කමලනාත් ගේ “කුසල්” ළමා චිත්‍රපටය

සිනමා නළු අර්ජුන කමලනාත්(Arjuna Kamalnaath) ” කුසල්” නම් ළමා චිත්‍රපටයක් අධ්‍යක්ෂණය කර ඇත. පොඩිහිටියන්ට මෙන්ම වැඩිහිටියන්ට යන තේමාව යටතේ නිර්මාණය වුනු මෙහි කුඩා ළමයෙකුට ජීවිතයට අවශ්‍ය වන යහපත් ගුණාංග සපිරුණ කතා වස්තුවක් විය. මවකගෙන් දරුවෙකුට ලැබෙන සෙනෙහස,ආදරය සහ පෙරලා දරුවාගෙන් මවට ලැබෙන සෙනෙහස, එලෙසම කුඩාවියේ පටන් ආගම හා බැදී සිටීමේදී, ජීවිතය යහපත් අතට ගෙන යා හැකි අන්දමත්, එම යහපත් කම දරුණු අපරාධ කරුවෙකු පවා මෙල්ල කරගැනීමට හැකිවීම හරි අපූරුවට විග්‍රහ කෙරීම, මෙම චිත්‍රපටය තුලින් ඉදිරිපත් කර ඇත.

ප්‍රධාන චරිතයට රගපාන කුඩා ළමයා සමග කිරියා නම් කුඩා රිලා පැටවෙකුත් සැන්ඩි නම් හුරතල් බල්ලෙකුත් රගපානු ඇත. මෙම හුරතල් සතුන් දෙදෙනාගේ විශ්මජනක රගපෑම් ළමා පමණක් නොව වැඩිහිටි ප්‍රේක්ෂකයන් පවා මවිතයට පත්වෙනු ඇත . ළමා ලෝකයට නිසි ලෙස ඇතුළුවීමට අධ්‍යක්ෂය වරයා ගෙන ඇති උත්සාහය කාලෝචිත වුවක් මෙන් එය පැසසිය යුතු කාර්යයකි.

අර්ජුන ගේ මුල් අධ්‍යක්ෂණය වුයේ “ඉගිලෙන්නට ඇයි දගලන්නේ” චිත්‍රපටයය. එය ඔහුගේ මුල් චිත්‍රපටය නිසාදෝ, නිර්මාණයක් ලෙස සාර්ථකත්වයක් ලබා තිබුනේ නැත. චිත්‍රපටය සම්පූර්ණයෙන්ම අසාර්ථක විය. ඔහු එයින් පන්නරයක් ගෙන මෙම ළමා චිත්‍රපටය අධ්‍යක්ෂණය කරනට විය. මෙය නබෝ දිනයකින් ප්‍රේක්ෂකයන් වෙත මුදාහරිනු ඇත. මෙහි සාර්ථක හෝ අසාර්ථක භාවය, ප්‍රේක්ෂකයා විසින් ඉදිරියේදී තීරණය කරාවි.

චිත්‍රපටයේ ප්‍රධාන චරිතය වූ කුසල් ලෙස, තිවිරු දිසානායක නම අලුත් ළමා නළුවකු හදුන්වා දෙනු ඇත. සෙසු චරිත අර්ජුන කමලනාත්,අමීෂා කාවින්දි , නිරෝෂා තලගල,, ප්‍රේමදාස විතානගේ ,හේමන්ත ඉරියගම ,ශිරෝමාලා ප්‍රනාන්දු ,අනුර බණ්ඩාර රාජගුරු, රාජිත හිරාන්, විසින් රගපානු ඇත

මෙහි කැමරාකරණය,සංස්කරණය,හා නාද සැකසුම,දිලාන් ගුනවර්ධනගෙනි . කතා සංකල්පය සුරේෂ් කුමාරසිංහ සහ අර්ජුන කමලනාත්ගෙනි. සංගීත අධ්‍යක්ෂණය රංග ප්‍රනාන්දු ගෙනි. කතාව- දෙබස්,තිර රචනය හා අධ්‍යක්ෂණය අර්ජුන කමලනාත් ගෙනි,

“කුසල්” ලගදීම ලාංකේය සිනමා ශාලාවල ප්‍රදර්ශනය වේ.

http://baiscope.com

LEAVE A REPLY

Please enter your comment!
Please enter your name here