පවුල් සංස්ථාව රැකගැනීමට කෙරෙන යුද්ධය – ධර්ම යුද්ධය

0
845
Dharmayuddaya review

ධර්ම යුද්ධය විචාරය (Dharmayuddaya review)

“ඩිවෝෂන් ඔෆ් සස්පෙක්ට් X ” ජපන් නවකථාවක් ඇසුරින් වර්ෂ 2008 දී එරටේදීම නිපදවූ චිත්‍රපටයක්,පසුව 2012 වර්ෂයේදී ක‍ොරියාව “පර්ෆෙක්ට් නම්බර්” නමින් චිත්‍රපටයකට පරිවර්තනය කෙරූ අතර , ටෙලි නාට්‍යකටද පාදක කරගති. ඉන් පසුව මෙම කථාව චීනයට ද ගොස් එහිදී ද මෙය චිත්‍රපටයකට නැගුනි.

නමුත් මෙම කථාවට, දැඩි වෙළද පොලක් නිර්මානය වූයේ නම් ඉන්දියාවෙන්ය. එම කථාශාරයේ රළු බව හරියටම ගැලපුනේ ඉන්දියාවටය. මුලින්ම මලයාලම් හා හින්දි බසින් ” දෘෂ්‍යම්” ලෙසින් නිර්මානය විය. එය පපානාසම් ලෙසින් දමිළ බසින්ද නිර්මාණය වී,ඉන්දීය චිත්‍රපට අධ්‍යක්ෂකයෙක් වූ චෙයියාර් රවී අතින් “ධර්මයුද්ධය” ලෙස සිංහල සිනමාවට පරිවර්තනය විය.

ක්‍රියාදාමයන්ට වඩා ශබ්දය ඉස්මතු වීමත්, පසුව එය ශබ්ද ක්‍රියාදාමයක් වීම හා ඒ තුලින් ගලා ගිය යථාර්තයට වඩා, ෆැන්ටැසියක ලක්ෂන ඉස්මතුවීමත් එලෙසම , ලාංකේය නිරුවතට,ඉන්දියානු සළු පිලි ඇන්දවීමක් ලෙසද, ඉන්දීය සම්භාවිත නිශ්පාදන සමාගමකට, ඉන්දීය අධ්‍යක්ෂක වරයෙක්ගෙන් ලාංකේය නලුනිලියන්ව දමිල සායම් වතුරක ඔබ්බවා සිංහල හඩ කැවූ දමිල චිත්‍රපටයක් ලෙසද ධර්මයුද්ධය හැදින්විය හැක.

සිනමා පටයක් සම්පූර්නයෙන්ම යථාර්ථවාදි විය යුතු නැත. එය මායාවත්,යථාර්තයත් අතර පැටලුනු
ෆැන්ටැසියක් බදු විය යුතුය. සිදුවේයැයි කිසිදු දිනෙයක, සිතිය නොහැකි වූවද, මුව අයාගෙන, නෙතුපිය ගැසීමට අමතක නොවන තරමේ, කුතුහලයක්ද, එය සමග බැදී එන ද්වේශය, ක්‍රෝධය , වෛරය, හා පලිගැනීම්, මෙන්ම අැතැම් චරිත හා බැදෙන අනුකම්පාව, සෙනෙහස,කරුණාව අතර දෝලනය වන “ධර්මයුද්ධය” තම නෙත සිත දැඩිව ඇද බැද දා ගැන්මට සමත් වන අධ්‍යක්ෂනයක් විය.

ධර්මයුද්ධය තුල මා දුටු ප්‍රධානතම විශේෂත්වය වූයේ ප්‍රේක්ෂකයන්ව රදවා තබා ගැනීමේ හැකියාවයි. මුලින් සුන්දරව, අහිංසකව, විනෝදයෙන් කල් ගෙවන පුංචි පව්ලක්, එක් සිදුවීමක් නිසා, සියල්ලම සුනුවිසුනු වන්නට අර අදින විට, එම පවුලේ මූලිකයා විසින් එය සගවන්නට දරන වෙර ඇතුලත් සිදුවීම් සමුදායකි මෙහි අන්තර්ගතනය. එය තප්පරයෙන් තප්පරය විටෙක සුන්දරවද, තවත් විටෙක, කුතුහලවද, ඒ සමගම එන ත්‍රාසයද, කැටිකොට ඉදිරිපත් කල ආකාරය ප්‍රේක්ෂකයාගේ බාහිර වින්දනයට නම් ගෝචර විය. නමුත් මෙය අභ්‍යන්තර වින්දනයට ගෝචර වූවාදැයි සැක සහිතය. එහෙත් සමස්තයක් ලෙස ධර්මයුද්ධය විදිය හැකි චිත්‍රපටයක් බව නම් කිව යුතුමය.

ජැක්සන් ඇන්තනි මුලු චිත්‍රපටයම තම අතට ගෙන ඇති බවක් පෙනේ. තවත් කෙනෙකුට කැපී පෙනෙන්ට ඉඩ නොදී, ඔහු තම රංග පෞරුෂත්වයෙන් මුලු චිත්‍රපටයම වසා ගෙන,එහී සිටි අනෙක් ශිල්පීන්ට ඉස්මතුවන්නට ඉඩ නොදෙන්නට ඔහු වගබලා ගත්තේ හරියට සිල්වෙස්ටර් ස්ටෙලොන් “රම්බෝ” චිත්‍රපට කථාමාලාවම ඔහුගේම කර ගත්තා සේය. එහෙත් කොටියා යන අන්වර්ථ නමින් හැදින්වෙන, පොලිස් පරික්ෂක චරිතය රගපෑ කුමාර තිරිමැදුර, ජැක්සන්ගේ චරිතයට තනිවම නැගෙන්නට ඉඩ නොදුනි. ජැක්සන් හා කරට කරම රගපෑමට තිරිමැදුර ගත් උත්සහය සාර්ථක වී තිබුනි. අනෙක් හැම නලුනිලියෙක්ම පෙනි සිටිනවා හැරෙන්නට රගපෑමක් කලාදැයි මතකයට එන්නේ නැත. තිසරි යුවනිකා තම මුහුනේ ඉරියව් චරිතවලට අවශ්‍ය අන්දමට හසුරුවන්නේ කෙසේදැයි රගපෑම් පාසලකට හෝ ගොස් ඉගෙන ගත්තානම් හොද යැයි සිතේ. නවක නලු ධනුක දිල්ශාන්, හොද නලුවෙකු විය හැකි පෙර නිමිති පෙන්වා තිබුනි. සුලු චරිතයක් වූවද ආරියසේන ගමගේ හොද රගපෑමක නියලුනු බවක් කීම සාධාරනයැයි සිතේ.

ලංකාවට සිනමාවක් අත්‍යාවශ්‍යය. ධර්ම යුද්ධය එය රැකගැන්මට උර දෙන තවත් මහගු කාර්යක් සේ සැලකිය හැකිය.
යන්න ඔබ පවුල් පිටින්ම එක්වී ධර්ම යුද්ධය නරඹන්න. එය ඔබගේ බලාපොරොත්තුන් සුන් කරන්නේ නම් නැත.

-ශෝන් මැක්ස්මස් දිසානායක-

තවත් සිනමා  තොරතුරු සඳහා 

Tags —->
Sri lankan cinema news, Sinhala Cinema news Sinhala Subtitle, Tamil Cinema news in Sinhala, Hindi Cinema news in Sinhala, Hollywood Cinema news in Sinhala, Old Sinhala Cinema news, Tv Series News, Top 10 Songs Top 10 Sinhala Movies

LEAVE A REPLY

Please enter your comment!
Please enter your name here