ධර්ම යුද්ධය හා එහි ප්‍රතිනිර්මාණ..

0
215
Dharma Yuddhaya

ලංකාවේ බොහෝ දෙනා අතර කතාබහට ලක් වන මාතෘකාව ධර්ම යුද්ධයයි ( Dharma Yuddhaya ).
සියලු දෙනා ධර්ම යුද්ධය පාපනාසම් නම් දමිළ චිත්‍රපටියේ නැතහොත් Drishyam ( හින්දි, මලයාලම්, තෙළිගු ) යන චිත්‍රපටියන් හී ප්‍රති නිර්මාණයක් යැයි දන්නවා.

නමුත් කිහිප දෙනෙක් පමණක් දන්නා දෙයක් මේ අවස්ථාවේ මතක් කර දීමට කැමතිය.
කොරියානු චිත්‍රපටියක් වන Perfect Number හි ප්‍රතිනිර්මාණයක් ලෙස මලයාලම් Drishyam චිත්‍රපටිය කිව හැකි වූවත් එහි සැක මතු කරන තවත් කරුණක් තිබේ.

Perfect Number චිත්‍රපටිය Bang Eun-jinගේ අධ්‍යක්ෂණයෙන් 2012 වර්ෂයේ දී තිරගත විය.
මෙය Suspect X නම් වූ ජපන් චිත්‍රපටියේ ප්‍රතිනිර්මාණයකි. Suspect X, 2008 වර්ෂයේ දී තිරගත වූ අතරම එහි අධ්‍යක්ෂණ කටයුතු Hiroshi Nishitani විසින් කර ඇත, මෙම චිත්‍රපටියට මුල් කරගෙන තිබෙන්නේ “The Devotion of Suspect X” නම් වූ නවකතාවයි. මුල් චිත්‍රපටියේ හා එහි ප්‍රතිනිර්මාණ වස්තු බීජය සමාන වූවත් තිර රචනයෙහි ලොකු වෙනසක් තිබෙනවා.

Perfect Number කතාව ගැන යමක් කියනවා නම් එහි ප්‍රධාන නළුවා පාසැල් ගුරුවරයෙක්
වන අතර ඔහු නවාතැන් ගෙන සිටින නිවාසය අසල විශ්ව විද්‍යාලීය තරුණියන් දෙදනෙක් නවාතැන් ගෙන සිටිනවා.

එහි එක් තරුණියක් දික්කසාද වූ කෙනෙකි දවසක් ඇයගේ කලින් සැමියා පැමිණ ඇයට
කරදර කරයි, ඔහුගෙන් මිදීමට මේ තරුණියන් දෙදනා එක් වී ඔහුව ඝාතනය කරයි. එම
ඝාතනය සැඟවීමට එම ගුරුවරයාගේ සහය පැතීමට යන තරුණියන්ට ඔහු පවසන්නේ තමන්ගේ
කීම අසන්නේ නම් ඝාතනය සැඟවීමට උදව් කරන බවයි.

මෙම මිනීමැරුම පිළිබඳව පරික්ෂණය කිරීමට පත් වී එන පොලිස් නිලධාරියා මේ ගුරුවරයාගේ මිතුරෙකි,
පොලිස් නිලධාරියා විසින් මිනීමැරුම සොයාගත්තා ද නැද්ද යන්න මෙහි අවසානය ලෙස සනිටුහන් වෙයි.

ඉහත Perfect Number යන චිත්‍රපටිය හා සන්සන්දනය කර බලන විට Perfect Number හි ප්‍රතිනිර්මාණයක් ලෙස Drishyam (Malayalam) – Drushyam (Telugu) – Drishya (Kannada) – Papanasam (Tamil) යන චිත්‍රපට හැඳින්විය නොහැකි බවයි මාගේ මතය. Perfect Number චිත්‍රපටියෙහි අනුකරණයක් ලෙස හැඳින්විය හැක.

Drishyam (Malayalam) – Drushyam (Telugu) – Drishya (Kannada) – Papanasam (Tamil) Dharma Yuddhaya  (Sinhala) යන චිත්‍රපටියන් හී තම බිරිඳ හා දියණිය එක් වී කළ මිනිමැරුමක් සැඟවීමට පියෙකු දරන උත්සහය ගැන කියවෙන කතාවකි. ඉහත නම් සඳහන් චිත්‍රපටි සියල්ලම මලයාලම් චිත්‍රපටියෙහි ප්‍රතිනිර්මාණ ලෙස හැඳින්විය හැක.

තවත් සිනමා විස්තර දැනගැනීමට

LEAVE A REPLY

Please enter your comment!
Please enter your name here