Alamara (2017) with Sinhala Subtitles

0
278
Alamara

Alamara

සුභ දවසක් හැමෝටම. අදත් ගෙනාවේ නම් මලයාලම් ෆිලුමක්ම තමයි. ෆිලුම Alamara(2017). මේක කරන්න හිතාගන ඉඳපු ෆිලුමක් නම් නෙමෙයි. ඒත් ඉතිං අපේ මලයාලම් රසිකයෙක් මේ ෆිලුමට සබ ඉල්ලලා තිබුන නිසා බයිස්කෝප් එකට මේල් එකක් දාලා ෆිලුම වෙන් කර ගත්තා. මොකද ඉතිං මලයාලම් වලට සබ් දෙන අපිට ඉන්නේ තවම පොඩි රසික පිරිසක්නේ. ඒ නිසා එයාලගේ ඉල්ලීමක් අහක දාන්න හොඳ නෑනේ. කරන්න කියල බයිස්කෝප් එකෙන් කීවාට පස්සේ තමයි සබ කොහොමද කියලා බැලුවේ. එතකොට තමයි රත් වුණේ. ෆිලුම වැඩිය දිගත් නෑනේ කියල හිතලා බාර ගත්තට මොකද ලයින් ගාන දැක්කට පස්සේ නම් ටිකක් බය හිතුනා. මම මෙච්චර කාලෙකට කරපු වැඩිම ලයින් ගාණක් තිබුනේ මේ ෆිලුමේ තමයි. ලයින් 2500කටත් ටිකක් වැඩි. ඒත් ඉතිං කරගන යනකොට අවුලක් උනෙත් නෑ. කොහොම හරි මැච් එක ගැහුවා. මේවා අනවශ්‍ය කතා. ෆිලුමට බහිමුකො.

මේක අයිති වෙන්නේ Family/Comedy කියන කාණ්ඩයට. ෆිලුමට රංගනයෙන් Sunny Wayne, Ranji Panicker, Aditi Ravi,Seema G. Nair සහ Aju Varghese දායක වෙලා තියනවා. Sunny Wayne ගැන කියනවා නම් මලයාලම් සිනමවාට පායපු පැහැදිලි අනාගතයක් තියන හොඳ තරුවක්. සුරූපී නවක නිලියක් වන Aditi Ravi ප්‍රධාන නිළියගේ චරිතයට රංගනයෙන් දායක වෙලා තියනවා. දෙමල සිනමාවට Santhanam වගේ, තෙලුගු සිනමාවට Brahmanandam වගේ, වත්මන් මලයාලම් සිනමාවට Aju Varghese සමඟ ඔයාලාට සුපිරිම Comedy ෆිලුමක් බලන්න එකතු වෙන්න කියලා ආරාධනා කරනවා. ෆිලුම අධ්‍යක්ෂණය කරලා තියෙන්නේ Midhun Manuel Thomas විසින්. තිර රචනය කරලා තියෙන්නේ John Manthrickal විසින්. කතාව Mahesh Gopal විසින්. සංගීත අධ්‍යක්ෂණය කරලා තියෙන්නේ Sooraj S. Kurup විසින්.

කතාව ගැන ටිකක් කියනවා නම් අරුන්(Sunny Wayne) ගොඩක් තැන් වල මනමාලියෝ බලන්න ගියත් ඒ හැම එකක්ම අසාර්ථක වෙන කල වයසත් පැනගන යන අහිංසක කොල්ලෙක්. එක අවස්ථාවක අරුන්ට තමන්ගේ ජීවන සහකාරී මුණ ගැහෙනවා හරි අමුතු විදියට. ඒ එයාට මනමාලි බලන්න ගිය තැනකින් නම් නෙමෙයි. කසාදෙන් පස්සේ අරුන්ට දෑවැද්දට ලැබෙනවා හොඳ අල්මාරියක්. මේ අල්මාරිය අරුන්ගේ ජීවිතේට ගොඩාක් බලපෑම් ඇති කරවනවා. ගොඩක් තැන් වල දී අරුන්ව අසරණ කරනවා මේ අල්මාරිය. ඉතිං කතාවේ ඉතුරු ටික ඔයාලම බලන්න කියලා ඉල්ලා සිටිනවා.

ඇත්තටම ෆිලුම ගැන කියනවා නම් මේක හුදෙක් කොමඩි ෆිලුමක් විතරක්ම නෙමෙයි. අපේ එදිනෙදා ජීවිතයට ගොඩක් වැදගත් වෙන යම් යම් දේවල් මේකෙන් අපිට ගන්න පුළුවන්. නැන්දම්මා ලේලි ගැටළුව, තමන්ගේ නංගි/අක්කා සහ බිරිඳ ගැටළුව මේ වගේ ගොඩක් දේවල් උපහාසාත්මකව මේකේ දකින්න පුළුවන්. කම්මැලි කමක් නැතුව හිනා වේවි බලන්න පුළුවන් ෆිලුමක් තමයි මේක. විවිධාකාර වැඩ රාජකාරි වලින් විඩාපත් වෙලා තියන ඔයාලගේ හිතට මේක පොඩි වෙනසක් කරයි කියල හිතනවා.හැමෝටම ෆිලුම බලන්න කියලා අරාධනා කරනවා.

දෙමල, තෙලුඟු, හින්දි රසිකයින්ටත් ෆිලුම බලන්න කියලා ආරාධනා කරනවා. ෆිලුම බලන්න, වෙනස වටහා ගන්න. දිගටම මලයාලම් බලන්න.

උපුටා ගැනීම baiscopelk වෙතින්

LEAVE A REPLY

Please enter your comment!
Please enter your name here